最近鬧得熱哄哄的，相信是快意總裁Sergio Marchionne指福士「傾銷」貨品來趕絕其他歐洲品牌。福士那邊廂，Ferdinard Piech當然不甘示弱「還拖」。
的確，歐洲車廠正陷入水深火熱之中。福特、快意、歐寶、標緻，無一不是正在蝕大本。剛剛還看到新聞報道標緻參與罷工的員工被警察施放催淚彈驅散，認真誇張。標緻會不會成為首先倒下來的歐洲車廠，真是未知之數，反而福士卻處處看漲，難免惹來其他車廠話柄。
那麼福士，究竟有沒有「傾銷」？我只可以說，當車廠夠大，它自然可以運用固有的優勢去做price
setter，在規模上福士亦坐擁西雅(Seat)和斯柯達(Skoda)這些平價品牌，Fiat和Opel可以爭的市場，福士集團基本上好像膠袋一樣封著你的耳鼻喉，想不窒息才怪。當然，Opel的「母親」通用還要用雪佛蘭「笠殼韓國大宇」來自殘，難為麥克爾當年那麼緊張歐寶，又由得通用這樣下毒手。
單就香港來說，福士以平取勝來爭取市場佔有率，「傾銷味」濃烈。但福士不是不用付出代價，你看近幾年福士銷量停滯不前，維修配套做不好，令其他車廠迎頭補回之前失去的市場佔有率，所以這一招不是沒有風險的。另一方面，福士「傾銷」，首當其衝的自然和Skoda及Seat自相殘殺，加上旗下有些品牌如林寶堅尼的銷量開始無以為繼，賓利前幾年都一度出現虧蝕，去年才轉虧為盈，但一向鯨吞貴價車的中國市場又開始放緩，福士可謂腹背受敵，唯有用這招自保。
話得說回來，雖然歐洲經濟極度不佳，我們由美國的例子看到，汽車這類耐用品最終還是會有替換的一天。只是一推遲就是幾年，到時這些車廠是否守得住又是另一回事。福士要這樣拼命地掠奪其他人的江山，或者這些「瀕危」車廠要怪的，不是福士而是平霸式大件夾抵食的品牌如Dacia在不斷擴張。連日產也宣布復辟Datsun來攻打平價貨，福士來個先發制人，也無可厚非，至於這算不算霸道…由該廠和鈴木之間的瓜葛來看，加上人家有條法例做擋箭牌…Marchionne，你不是第一天才認識Piech嗎？更好笑的是，以你的性格和串嘴，你其實也不是省油的燈啦！當然，我明白你寧願推Alfa進火坑也不賣給福士…
GM 個 brand policy 其實在歐洲係唔會 work 的，因為係人都知GM只是一個OEM廠，覺得 o岩 feel 就貼那個 brand 的貼紙落去，完全唔跟個個品牌的規舉/方針辦事，既推廣唔到個隻brand 之餘，亦都造成嚴重資源重疊，奈何呢套策略GM已經玩到走火入魔，難怪 Opel 最先受害。難道 GM 管理層認為假如 Opel 執笠，可以借Vauxhall、Holden或Buick的屍還魂，然後再周圍找下新的niche market搵著數？無咁易！
回覆刪除Insignia 其實我很想 test drive的一款歐洲車，奈何大昌行對Opel 全不積極之外，連 Insignia都唔入，難道佢地認為可以靠 Astra 開單？
An兄，小弟又開左個 blog 研究下汽車問題，網址係 http://motor-victor.blogspot.com，歡迎指教。
剛剛睇左一篇AUTOBLOG的分析文章，個筆者叫Opel要摺埋，即刻比人嘈，而家GM最好既車都係發展自OPEL的底盤，好多好好的工程師都係Opel做，冇Opel就冇一大堆Chevrolet、Holden、Vauxhall同Buick去強攻歐美以及中國市場。所以我到而家都唔明GM想點。
回覆刪除至於大昌行，有報道話其實佢想做番Opel，不過當時Opel話只會主攻歐洲，唔得閒理香港個市場，所以而家都係dormant，莫講話Insignia，Astra都冇賣新款啦...講到好似唔係大昌行唔想，但今年Opel又輸入澳洲喎，真係唔知咩一回事...
我bookmark左你個blog，一定會多多捧場！
老實說，我接受唔到 Insignia 用 Buick 名義出，總係唔明白點解GM對地緣性呢樣野咁執著，我諗除左澳洲，相信唔係幾多地方會受落
回覆刪除謝謝 An 兄捧場 ~!
但大陸真係受Buick喎，Opel個名老實講喺美國賣應該冇人識，反而當年以Saturn個brand其實唔差，只係GM太缺水迫住接埋個brand啫...澳洲只要一日有Holden撐住，GM都仲叫有foothold，但我唔明佢點解要引入Opel黎自相殘殺，真係睇到一額汗...
回覆刪除