近來發覺一個現象，就是代理商千辛萬苦向車廠爭取引入某些車款到港，三個月後，該車款立即轉款/facelift，買了車的新車變舊車。
類似例子，豐田已經發生過好幾趟。早輪的Wish、再早期點的Noah、Ractis，還有最近的Auris和Mark X，Auris還要是大改款，Mark X的改動也不少，雖然兩者主攻Niche市場，「中招」者不多，但這些人是真金白銀買回來，也應該和他們抱不平。
另一品牌有這個情況，要數標緻。之前森那美停了引入這個品牌的車款一陣子，「復出」的陣容，全部都推出了一段時間。於是最近RCZ率先改頭換面，四十幾萬買回來的「型仔座駕」，不夠一年立即有新版。可以預期，品牌旗下的3008和5008，距離小改款也不遠，「幸好」觀乎此牌子在街上的曝光率，「中獎」的人應該比上期六合彩頭獎得主數目更少。
當然，有人會喜歡舊貌，是阿Q也好，是死撐也好，沒有人會質疑。但我相信沒有經紀在賣車時會主動跟客人說：「這款車一年內會改款的，你等一等啦！」明跟自己倒米。我自己在福士都有親身經歷，還要親口問，對方還答：「邊有咁快！」當年真的心動過買五代Golf GTI，但把持得住，混了吉。
那麼廠方一天不推出改版官方照，你又不可以說她錯。但既然知道汽車普遍也有一個轉款期，不想短期新車變舊車的話，做點資料搜集，上上網，問問人，忍一忍手，「執輸行頭」這回事，絕對不會發生在買車時。
不過最大問題係，一般歐洲車，會定期有狗仔隊追蹤佢地啲 prototype，令到唔少人都有機會知道邊一款車大概會到 facelift/轉款期；反觀日本車，可能基於日本汽車傳媒比較乖(可能私下同車廠有agreement都唔奇)，甚少會去揚開部車的 prototype 相片。就算真係有日本牌子spy photo出街，留意下，都係美國內銷版居多。所以MIJ 型號「話變就變」，絕不出奇。
回覆刪除就算而家日本賣新一代Corolla，都是忽然之間"boom" 一聲走出來，事前無乜先兆可言(還是我睇得少日本車書？)。所以相對而言，日本車準買家中這一類「伏」的機會，可謂特別高。
你都講得啱，從商業立場，下下話曬俾人知我要轉款/facelift，咁車行仲駛清舊貨？
又或者帶出另一個問題，有邊個估到，皇冠可以係新版 Mark X官方相出街後3日就可以係showroom 搞首展？新Mark X我都有去showroom摸下，感覺幾好，部車好靚。不過話需回頭，試問香港有幾多間正廠代理可以同總廠同步發售一款新車？當年新Alphard俾水貨狙擊，與日本同步開售新款絕不出奇；Mark X？可能我仲係發緊夢。其實 Auris都大問題，因為真心覺得新一代Auris我覺得ok型，而且RS版仲要有棍波，說實話，引入香港的話，一定引到人買，奈何舊款Hybrid 版先行賣街，要新款可以在短時間開賣？可能又係發下夢好了。
你講中晒我心事。正正係因為日本唔係冇乜spy photos就係好似best car個d估到天馬行空冇人信，日本車(尤其係內銷版)個d通常好似忽然彈出黎，完全無先兆咁，加上皇冠同豐田關係好 (老實講，以豐田咁保守，竟然肯將內銷形號出口比個咁細市場，證明皇冠好牙力)，先lur好耐，到佢首肯又咁啱出facelift立即同步推出，就會發生呢個情況。新Auris仍然喺歐洲生產，香港相信反而要等一段時間，但外國已經出晒官方照上埋巴黎車展，呢方面買左車的車主唯有扮睇唔到囉...
回覆刪除不過始終日本車的轉款期都易估的，即使冇spy photos，其實計數都應該計到，尤其Corolla呢d，六、七年貨仔，都應該有心理準備會轉款。