在網頁看到新一代的Mondeo其中一個引擎配搭是1.0公升Eco Boost，嚇呆了。
那是中型房車啊！1.0？推得動嗎？當然推得動才敢用，那是增壓器的功勞，雖然馬力不算大，未到一百匹，但應該推得動，只是你想省油，自然就不要奢望它在爬頭加速就會得心應手了。
不禁想起，在油價仍然高企的年代，車廠越來越無所不用其極了。Supercharger的好處，是少了turbo引擎的渦輪遲滯，透過高壓縮比來增強引擎的效能。這種技術早年曾經用過，連平治都有Kompressor型號，後來不知是否和引擎運作時的refinement有關，近年似乎少了車廠用，但油價一升，車主動輒要汽車有40mpg，supercharger又再成為了車廠「救助」對象。如Mazda一向對引擎研發有心得，最近就不斷在新車系配上skyactiv引擎；韓國的現代，也開始加入早幾年三菱也大力推行的直接噴注 (GDI)引擎，透過燃油直接噴注技術，令汽油的燃燒更徹底，從而做到用盡每滴油的能量。當然，這些引擎的耐用性還是未知之數，畢竟長期在高壓狀態下工作，部件得要相對耐用，才抵得住這個「熱廚房」。
不過可以預期的是，未來的新車，引擎的容積未必再和汽車的馬力有必然關係。馬兒好又不吃草，似乎並非沒有可能。未知新的福特代理有沒有膽識把這新引擎配搭引入，在無Hybrid非電動的情形下都做到超省油，相信香港人懂得計數罷。
其實高壓引擎之中，金屬未必會係首要考慮到耐用性，因為中缸、盤頭身為汽車最重要的部件之一，工程師肯定會投放全副精力落去研究。
回覆刪除相對而言，俗稱「偈躉膠」的engine mount，其耐用性就非常值得探討。因為早排有幸坐過而家BMW 最好賣的F10 520i，其實而家 BMW N20和 N13 engine 係怠轉時，都係非常之震，但入到車籠之後，就完全感覺不到，所以個d 偈躉膠應記一功。不過問題來了，邊個可以保証未來15年寶馬所訂造的偈躉膠，質量可以同今日的一樣？又或者，呢一批偈躉膠的 life-span 有幾長，都係一個值得關注的問題。所以 Ford 呢一個舉動，實在太過破天荒，但破天荒的背後，其實仲有好多事情要考慮。
謝謝你提出這問題。其實我對機件的認識不太深，原來仲有呢D要睇，又學到嘢了！
回覆刪除Ford呢個舉動，我諗整個車壇都揚起眼眉，偈躉膠見網上討論區講唔算太貴，但假如成日換，都幾擾民。假設耐用性這回事仲未完全解決，其實係咪意味著車廠已經盤算左目前大家買車唔會諗住用咁耐？又或者雜嘜膠同正廠爭好遠，乘機迫車主幫襯原廠賺多筆？
我都諗緊呢隻所謂 EcoBoost 用落 Mondeo 身上，以香港路面計，計算埋香港要爬斜路呢個因素，到底副engine 可以捱到幾耐......
回覆刪除其實搵偈躉膠工序多與少，視乎車廠點設計副 engine，好似我提及N20B20 engine，兩舊膠正正係擺係近軑箱的位置，變左如果真係要換，要裝拆好多入風管、水箱水喉、電線等，工序加工時，都係相當之多，反而有d 舊 Mini，舊膠就係近塔頂位置，就算要換，都未必洗抬起成副engine先換得
Pic of N20B20 engine mount
http://www.realoem.com/bmw/diagrams/y/t/408.png
其實都唔係成日換 o既，不過因為engine震 o既次數大左、多左，繼而考慮到舊膠會唔會加快老化。希望正廠可以 keep 到生產高質素偈躉膠之餘，雜廠件 quality 又唔好爭太遠，否則F30本身已經成車電腦，連少少mechanical o既野都要交番原廠搞的話，養F30 個皮費就真係貴得驚人。
順帶一提，部份車款的偈躉膠，唔一定係入面用油浸住，某D車款其實係用氣壓去改變軟硬度，所以偈躉膠都可以係高消費項目。
講起，頭先睇番車主，見到BMW在為1系研發3氣缸引擎，正正講到你提及的諧震問題，今時今日汽車結構越來越複雜又多電腦，趕絕車房，少少頭暈身慶番原廠都萬萬聲。所以買歐洲車雖然郡歐羅平，但呢D真係唔可以唔諗清楚。
回覆刪除的確，寶馬車...無野多，電腦多 sad... /__\
回覆刪除其實先前有朋友屋企想換車，個位朋友好堅持F30 328i，我同另外幾位朋友就勸佢不如揀 Mark X (即係剛剛再 facelift 個款)，因為豐田起碼可以頂5年，反而寶馬第2至4年都係要再俾錢買 package 先可以 extend warranty，加埋寶馬咁多濕星電子野壞，其實Mark X 真是除笨有精。結果個位朋友都係選擇左F30 328i......
哈哈，心頭好真係好難勸得服佢。仲要佢捨BMW買Toyota，話就話都係後驅，佢一定會唔甘心。
回覆刪除