唔明

前一兩年當我發現Hyundai除了Sonata外，還有i40這款「細碼版Sonata」，我以為細碼版是專攻歐洲、Sonata則以美國市場為主，ok，file closed。

然後，我發現澳洲兩款車都賣，Sonata叫i45，比i40大5個號碼，唔明。後來想起，澳洲有Accord Euro和Accord一齊賣，明d唔明d，總之有大有細，任君選擇。結果，Accord Euro是比Accord好賣的，仲係明d唔明d。

然後，我想起Accord Euro在美國是以Acura TSX的名義售賣的。唔明。i40不會在美國開賣，明。萬事得6在美國以加大碼應市，明。但新一代萬事得6以加大碼在全球應市，不再分歐洲版和美洲版，唔明。

Passat在美國以大車規格的NMS底盤應市，明。中國版Passat也一樣以這款美國版發售，我明，但歐洲版一樣以Magotan應市，唔明。Accord Euro以Accord Spirior的名義和Accord一起開售，唔明。中國人不是甚麼都要比人大比人長才安樂嗎？為什麼又會有短陣版？

美國人喜歡大，我明。但歐洲版一樣開賣，我唔明。歐美車主喜歡操控較靈活的細碼版，我明，但萬事得6為了遷就美國市場索性犧牲操控而放棄歐洲版，唔明。當然，我知道要明白不難，多點選擇市場有利佔有率嘛！只生產一個版本有利控制成本嘛！我明，但兩個原因放在一起，我有點精神分裂，又變番唔明。

然後，現代以i40在香港應市，但一水之隔的澳門就取Sonata捨i40、香港行貨一直以美版Accord應市，但水貨的歐版/日版Accord賣得開巷、Passat因為NMS只有左軚，自然以歐版應市，Mazda6…日本賣乜，香港賣乜。

我都仲係唔明。