出醜

我一向都很喜歡看車壇是非…慢著，有哪個車迷不是？

這次，是快意和日產。話說快意在美國洛杉磯車展中展出了500的電動版，快意車廠洋洋得意地說「證明了電車不一定要醜」。

即係咁，你剛剛獲選港姐冠軍，第二天聽到有人說「而家d港姐冠軍個個都係豬扒」，你會怎樣做？通常兩種反應：他不是在說我，又或者反擊：你好靚咩？有咩資格話人。日產呢，就揀了第二種方法。

「快意也有些產品以醜出名。」我完全同意。Multipla醜到連強國山寨車廠的出品放在一起都忽然變靚，那些終日說Pontiac Aztec和Honda Crosstour醜的人，真是井底之蛙，走一趟以fashion馳名的意大利，見到Multipla你的感覺，大概和聽到劉江華將被委任為政制及內地事務局副局長一樣，兩個字：「作嘔」。另加兩個字：「見暈」。

問題是：人家都沒有開名說你的產品醜，市面上又有很多電車生產商，即係咁：無人會話朱玲玲和李嘉欣係豬扒，佢兩位都費事出黎澄清，所以衝出黎反擊個位，有99.99999999%機會是真的豬扒，又或者連自己都覺得自己是豬扒，才聲東擊西說人家都不是好貨色，但又沒有否認自己是豬扒。你看Tesla幾時有出過聲？

於是這個故事的教訓是：醜，學我老父常常掛在口邊的四個字：「收埋佢啦！」還要慌死人唔知學人反擊，唔知醜加出醜。